ТОНИ У НАЩИВИ БАБИ И ДЇДОВИ У КИЧЕНЕРУ

 

 

НА ПРАВИМ

ВЕЛЬКИМ

ГАЙЗИБАНУ

 

 

Монотония пензионерского живота у обисцу Колєсарових у Киченеру була на прекрасни способ збуртана кед у октобре 2013 року сцигли младши Колєсарово зоз Южней Каролини, ЗАД, Сузан и Желько зоз їх сином а нашим унуком Тонийом до єднотижньовей нащиви

 

 

 

 

 

Чим сцигнул, Тони такой шедал за стол понеже обачел же тот славни бабов кромпльови пире уж на його танєру. Док го баба обочковала и розмазовала вон, нєсцерпено, з двома руками, смаковал тото єдло.
Ма, бабов пире НАЙ !

 

 

 

 

 

 

Идуцих дньох, у єдальнї главни забавяч бул Тони. Поєдол вше щицко цо баба наварела же би мал моци за шицки наступни дньово активносци

 

 

 

 
Перши возбудлїви активносци були на полиґону нєдалєкей школи дзе Тони указал же може зробиц шицко цо и баба, та и вецей...

 

 

Ниа, Тони указал и своєй тети Ґабики же як ше то
треба правилно випендрац аж на сам верх

 

 

 

 

 

 

 

 

 

 

 

 

 

 

 

 

 

 

 

Нащива парку у Ватерлуу була за Тония красне дожице

 

 

 

На самим уходзе до парку з бабу Геленку налєцели на коло
20 прекрасни дзиви канадски качки...

 

 

 
...а вец ше Тони нашол при тому симпатичному понийови хторого би енки пристал шедлац. Павур, зоз свою красу, прицагнул увагу Тонийови бо ТАКЕ цошка нїґда потеди нє видзел

 

 

 

 

 

 

 

 

 

 

 

 

 

 

 

 

 

 

 

Першираз у живоце Тони ше вожел на ПРАВИМ ПРАВУЧКИМ гайзибану од Ватерлуа та аж по Сент Джекобс. Тони ма дома гайзибанчок Томас Д Трейн алє ТОТ гайзибан, прави ваґони и два ВЕЕЕЛЬКИ локомотиви, га то було цошка пре цо нє могол заспац того дня... Приповедки було до нєба!

 

 

 

 

Мушел Тони зоз тету Ґабику доообре поопатрац локомотиви, ваґони, цаааалу композицию...
А локомотиви гурчали, сичали, пущали воздух, машинист раз аж и запискал так же зме шицки подскочели

 

 

 

 
Зоз бабу и дїдом, маму Сузан и тету Ґабику Тони путовал по Сент Джекобс нєпреривно закукуюц през облак же кадзи то тот гайзибан идзе
 

 

 

 

 

Тонийово родичи приповедали познєйше же вон длуго споминал тото путованє на правим гайзибану

 

 

 

А у Сент Джекобсу, на станїци, нове нєсподзиванє - права правучка давна локомотива хтора ишла на пару и то ше мушело овиковичиц за памятку

 

 

 

 

На фамилийним турниру у куґланю Тони бул найвреднєйши - руцел шицки свойо кулї, алє боме руцал дзекеди и место нас так же бул, боме, и найзунованши на концу турнира

 

 

 

 

 

Медзитим, мал Тони моци и за партию билияра дзе, як видзице, тот теди 3 и пол рочни бавяч, мал право на свой стил у бавеню

 

 

 

Як сце моги видзиц, баба и дїдо Колєсарово наисце уживали у каждей хвильки нащиви їх унука Тония. Уж порадзене же, кед будзе кус старши, придзе сам до баби и дїда и останє можебуц и два тижнї а вец будзе часу указац му и Нияґару, и Торонто, Мариенленд, Африцки сафари у Кембриджу и велї други интересантносци хтори Онтарио понука

 
 

 

На початок бока

 

 

 

 

ФОТО АЛБУМ

 

 

 

 

 


Home / Главни бoк